 |
| Atiku nigba to n safihan foomu ti won gba fun un |
Ọjọ manigbagbe lọjọ Eti Fraide, ojo kokanlelogbon osu kejo jẹ ninu itan igbesi
aye Alhaji Atiku Abubakar, eni to ti figba kan jẹ igbakeji aarẹ orile-ede yii ri
nigba tawon ololufee gba foomu fun un lati dije dupo aare labe asia egbe oselu
PDP.
Bi kuku-keke eto idibo
odun 2019 se n gba igboro kan bayii, igbese manigbagbe tawon ti won je alatilẹyin gbajumo oselu
yii gbe ni bi wọn se ko ara wọn jọ, ti wọn da owo ti wọn si fi gba a fọọmu mo nifẹẹ lati dije fun
ipo aarẹ fun ọkunrin naa.
Ohun to si jẹ ko ri bẹẹ ni pe latigba ti ọkunrin naa ti wọnu oṣelu, to ti n jade lati
dije fun ipo, igba akọkọ ree tawọn kan yoo ko ara wọn jọ ti wọn yoo gba fọọmu fun ọmọ Adamawa naa. Nibi tọrọ naa ya a lenu de, ko mọ igba ti omi n bọ loju ẹ to si sọ pe oun ko nireti
pe awọn kan le ṣe iru nnkan bẹẹ foun laelae, ati
pe igbese naa fidi e mule wi pe igbagbo nla ni won ni ninu oun.
Ofiisi ẹgbẹ
oselu naa to wa ni Wuse niluu Abuja lawọn alatilẹyin ẹ yii ti fi kinni
ohun ya a lenu, bee ni won so fun un pe awon nigbagbo wi pe Atiku lo ni iriri nla
to fi le gbe orile-ede yii de ebute rere.
Aṣaaju awọn ikọ
awọn obinrin, Ọmọọba Adekẹmi- Adesanya Ẹboda to jẹ aarẹ ẹgbẹ awọn obinrin to n ṣatilẹyin fun Atiku, iyẹn WAYS sọ pe awọn obinrin ti n foju sọna fun Atiku lati gba
awọn ọmọ orile-ede yii silẹ lọwọ ijọba ti ko nitumọ tẹgbẹ APC n se.
O loun n gbẹnu sọ fun gbogbo awọn obinrin ti ilọsiwaju orile-ede yii jẹ pataki fun un pe ki Atiku ma ṣe boju wẹyin lati dije, ati pe gbogbo
nnkan ti yoo ba na awọn lawọn yoo ṣe lati ri i
pe ọkunrin naa dori ipo ohun.
 |
| E wo bo ti se bu sekun... |
Ọgbẹni Edwin Adai toun naa jẹ aṣaaju lara awọn alatilẹyin lo gbe fọọmu naa le Atiku lọwọ lorukọ gbogbo wọn.
Nigba to n sọrọ, Atiku ti ko mọgba ti omi bọ loju ẹ dupẹ lọwọ awọn eeyan naa fun ohun
ijọniloju ti wọn ṣe fun un yii. O ni igba akọkọ ree ti iru nnkan
bẹẹ yoo ṣẹlẹ latigba toun ti gbegba oṣelu. O ni pelu nnkan
ti wọn ṣe yii, o ti fi han pe ajọṣepọ to danmọran ti wa, ati pe awọn yoo jọ ṣiṣẹ naa pọ ni pẹlu idaniloju pe awọn yoo jawe olubori nigbeyin.
O wa ro awon alatileyin e lati jade lopo
yanturu lasiko ti egbe PDP yoo se pamari lati yan eni ti yoo dije loruko egbe
ohun lodun 2019. O ni, “Ti a ba po daadaa wa sibi ti won yoo ti seto
ibo
pamari, egbe PDP ko ni i ri ohunkohun se ju ki won gbe ipo ohun fun wa lo, ti a
ba si ti gba a dajudaju, awa la maa wole sipo Aare lodun 2019.” 
0 Comments