Pelu idunnu nla lawon omobibi ilu
Shaare atawon ti won n gbe ninu ilu ohun nijoba ibile Ifelodun ni Kwara fi pade Alhaaji
Yakub Adeshina Babatunde, eni tawon eeyan tun mo si Lahaola Salashi lasiko to wo
ilu abinibi e, pelu oye nla ti Iba Gani Adams fun un.
Ohun ta a gbo ni pe Kabiesi ilu
e, Oba Abubakar Garba Dosunmu, Olupako ilu Shaare ni Akogun Aare Ona Kakanfo
ati Yeye Akogun Aare Ona Kakanfo ile Yoruba gbe oye lo ki laafin oba.
Pelu moto tuntun, Landrover
Jeep ni okunrin gbajumo nla nidii isegun ibile, bee lo tun je oludasile ile eko
Adeshina College of Education to wa niluu Shaare gbe wo ilu abinibi re, ati pe
tilu-tifon gan an ni won fi tele e de aafin.
Bi iroyin ti se kan wi pe
Akogun Aare Ona Kakanfo pelu awon molebi e ti de saarin ilu lawon omo ilu naa
ti won ko raaye ba a wa si Eko lati wa joye ohun ti n mu aso, tawon kan n sare
mu fila ati gele lati foju kan omo Adeshina to mu ire nla wolu Shaare wa leekan
si i.
Bi arugbo se n lo, bee lawon
odo atawon omo keekeeke paapaa niluu fe wo ola nla ti ilu ohun tun ko bayii latari
isel nla ti Iba Gani Adams, Aare Ona Kakanfo ile Yoruba sese gbe le omo won
lowo.
Laafin Olupako Shaare ni Kabiesi ti
wure fun oun ati iyawo e, atawon molebi e lapapo pelu gbogbo ilu; ti Oba Garuba Dosunmu si dupe lowo oludasile ileewe
Adeshina College of Education ku ise takun-takun to n se, paapaa bo se n
fojoojumo ko ire wolu ohun wa loju emi e.
Te o ba gbagbe, Olupako Shaare
gan-an lo ti koko fi Lahaola Salashi je Aare Adimula. Lojo naa, oba alaye to wo
ilu naa wa ko niye, bee lawon eeyan pataki atawon saraki-saraki kaakiri ile
Yoruba ko lonka. Ninu won gan-an ni Iba Gani Adams, Aare Ona Kakanfo ile
Yoruba wa, ti ilu si n ro kekeke fun ayeye pataki yii.
Akogun Aare Ona Kakanfo ile Yoruba,
Oloye Yakub Adeshina ti so pe, ilosiwaju ile Yoruba lo je oun logun o, ati pe
lasiko ti oun joye yii, opolopo ilosiwaju ni yoo maa sele ni gbogbo ilekile ti
se ile Yoruba ati Nigeria lapapo.
0 Comments