 |
| Lekan Alabi |
Idunnu nla lo subu layo fawon eeyan Shaare nijoba ibile
Ifelodun lasiko odun Ileya nigba ti omo won, Ogbeni Lekan Alabi, oluranlowo fun
gomina ipinle ohun wonu ilu naa wa leyin to ti wa latimole olopaa lati nnkan bi
osu meji seyin.
Fraide, ojo Eti to koja lawon olopaa so okunrin oloselu yii
sile, leyin ti oun funra e ti pe oga olopaa patapata lorile-ede yii lejo lori
bi won se ko lati ju u sile, leyin ti ile-ejo giga nipinle Kwara ti ni ki won
si ju u sile na.
Ogbonjo osu karun-un odun yii ni won mu un si atimole lori esun wi
pe o lowo ninu idigunjale to waye niluu Ofa, nibi ti opo emi ti sofo, ti won si
tun pa awon olopaa naa.
 |
| Lekan ree ninu moto to gbe e wolu Shaare |
Ahamo
won yii ni Ogbeni Lekan wa titi di ojo kin-in-ni osu kejo odun yii nigba ti Adajo
ile-ejo giga kan nipinle Kwara, Onidajo A.I. Yusuf
pase pe ki won gba beeli re, ati pe bi awon olopaa si se mu un sile lodo won
yen, adajo agba naa so pe ko bojumu rara. Ogun milionu ati eeyan meji ti won
lami-laaka laarin ilu ni won ni ki won duro gege bi oniduro fun un, eyi ti
Lekan Alabi atawon agbejoro e ti sare wa lojuese.
Bo
tile je pe won ti gbe igbese to ye lori ohun ti ile-ejo ni ki won ko sile yii,
sibe nise ni ileese olopaa ko lati tu u sile, eyi gan-an lo mu un pe oga olopaa
patapata lorile-ede yii, Ogbeni Idris Ibrahim lejo, esun ti won si fi kan an ni
pe nise lo tapa si idajo ile-ejo, eyi to see se ki o fewon jura. Agbejoro Lekan Alabi, iyen
Amofin Adebayo Adelodun (SAN) lo gbe igbese ohun, ese ofin kan ti won n pe ni Form
49 ni won lo, eyi ti won le fi ran oga olopaa lewon lori pe o ko lati tu Lekan
sile, gege bi ile-ejo giga se pase. Ni kete ti igbese yii ti waye lawon eeyan
ti n woye wi pe o see se ki won tu okunrin ohun sile, ki o wa ba awon molebi e
sodun ileya, nigba to si di ojo Jimoh to koja ni finrinfirin ti gbalu kan pe
won ti so o sile.
Lowo osan ojo Satide, ojo Abameta ni Lekan Alabi yo siluu Shaare,
moto ayokele Toyota Camry alawo ewe lo gbe e wa, bee ni won gbe e yi gbogbo ilu
ohun ka, ti o si n dupe lowo awon eeyan fun aduroti won.
0 Comments