IWODE TAWON SARAKI SE L’ABUJA, AREGBESOLA SO PE WERE LO N SE WON

Gomina Rauf Aregbesola ti sapejuwe iwode ti alaga egbe oselu PDP atawon omo egbe e se lo si olu ileese ajo INEC l’Abuja gege bi iwa were, ti ko si fi won han gege bi eni ti ara e ya rara.

Lasiko ti Aregbesola n ba awon oniroyin soro lofiisi Aare orile-ede yii lo soro ohun. O ni, bi won se ko ara won sinu moto ajegboro, ti won n sewode kaakiri Abuja yen fi won han gege bi eni to ni aisan opolo. Gomina yii tun fidi e mule wi pe, moto to ti lo patapata lawon omo egbe oselu PDP n juwo si, nitori pe Gboyega Oyetola ni yoo gba ipo lowo oun laipe yii.

Lati fehonu won han lori abajade esi ibo to waye nipinle Osun, ninu eyi ti egbe oselu APC ti jawe olubori, ti PDP si fidi remi, eyi lo mu egbe oselu PDP sewode lo si ileese ajo INEC niluu Abuja loni-in.

Alaga egbe naa, Uche Secondus, Bukola Saraki, Yakubu Dogara atawon laami-laka mi-in ninu egbe naa ni won jo wa ninu moto ajegboro ti won n gbe kiri Abuja.