AWON OMO IPINLE OYO NI LONDON SELERI ATILEYIN FUN ADELABU*LOUN NAA BA SO PE OUN YOO LO WON NINU IJOBA OUN

Oludije fun ipo gomina nipinle Oyo, Oloye Adebayo Adelabu ti fi awon omo ipinle Oyo ti won n gbe loke okun, paapaa niluu London lokan bale wi pe oun setan lati sise po pelu won ni kete ti oun ba ti wole sipo gomina nipinle Oyo lodun 2019.

Oloye Adelabu soro yii lopin ose lasiko to n ba awon omo egbe oselu APC, eka ilu London soro lori foonu.

Ninu oro e naa lo ti salaye koko ise meje to fe gbe se nipinle Oyo. Nibe naa lo ti beere fun iranlowo awon omo egbe oselu ohun lati satileyin fun un ko le jawe olubori ninu ibo to n bo.

Adelabu fi kun oro e wi pe loooto loun mo ipa ribiribi ti awon omo egbe oselu naa ti won wa loke okun le ko nipa ise idagbasoke eto oro aje ati ilosiwaju orile-ede lapapo. Bee gege lo ti seleri wi pe ijoba oun setan lati sise po pelu won; ninu eyi ti yoo fun awon naa lanfaani lati fi imo nla ti won ni fi ran ijoba oun lowo ni kete ti won ba ti dibo yan oun nipinle Oyo.

Siwaju si i, o ti wa ro awon omo egbe oselu naa lati kopa manigbagbe ninu eto ipolongo ibo, eyi to ti bere bayii, ki awon eeyan nigbara ati nigboro ipinle Oyo le fibo won gbe oun wole lodun 2019.

Ninu oro alaga egbe oselu naa lorile-ede Geesi lohun-un, Ogbeni Kolawole Saidu, ni tie ti seleri atileyin to gbopon lati owo awon omo egbe ohun fun oludije ipo gomina labe asia egbe oselu APC nipinle Oyo.

Bakan naa ni awon eeyan meta, ti won je omo egbe oselu ohun, ti awon naa kopa ninu idibo abele, sugbon ti won ko jawe olubori naa ti seleri atileyin won fun oludije yii. Bee ni won so pe awon setan lati dari gbogbo atileyin awon pata fun un ninu ibo ohun to n bo.

Siwaju si i, oga agba ileese to n maa n se igbelaruge fawon olorin loke okun, iyen BNS Promotions, Arabinrin Dupe Okesanjo naa ti so pe oun setan lati kun awon omo egbe oselu naa ti won wa ni United Kingdom lowo fun atileyin egbe oselu APC, ki Adebayo Adelabu le jawe olubori.

Arabinrin Dupe fi kun oro e pe, “Mo setan lati lo owoja ileese wa, gege bi amuludun lati fi gbarukuti eto ipolongo oludije fun ipo gomina nipinle Oyo ni London nibi ati ni Nigeria, nibi ti opolopo awon ti a n se igbelaruge fun wa; bee ni mo tun nigbagbo wi pe awon eeyan wa yoo tun ba awon ebi, ara ati ore won; ti won wa nile soro, ti aseyori yoo si wa fun oludije wa ninu ibo ohun lodun 2019.”