ASIRI TU: EYI NI OHUN TO MU AWON ASOFIN KO WAHALA BA GOMINA AMBODE *WON LOUN GAN LO WA LEYIN JIMI AGBAJE

Bi awon omo ile igbimo asofin Eko ti se fun Gomina Akinwunmi Ambode lojo meje lati tete dahun si orisirisi esun ti won ka si i lese ki won ma ba a le e nile-ijoba, sugbon o, oro ohun ti ba ibomi-in yo bayii.

Egbe ajafetoo kan ti oruko won n je Legislative Probity and Accountability (LPA) lawon naa ti bo sita bayii, ohun kan ti won si n so ni pe, nitori Jimi Agbaje gan-an ni won se n dunkoko mo gomina ohun, ati pe owo awon omo ile igbimo asofin ohun paapaa ko mo, bee lawon setan lati ba won fa a daadaa lori awon owo kan to ha sowo awon naa bayii, to si ye ki araalu mo bi won se na an.

Ninu atejade ti alaga egbe naa, Olu Fajana fowo si lo ti soro ohun.

Egbe ajafetoo to n ri si agbekale eto ofin sise to moyan lori, ti ko si ni bayobayo kakan ninu ti wa fesun kan awon omo ile igbimo asofin Eko wi pe owo awon naa ko mo, ati pe ti won ba fe tu idi Akinwunmi Ambode wo, awon naa gbodo setan lati salaye awon owo kan to poora mo abenugan ile igbimo asofin ohun lowo iyen, Asofin Mudashir Obasa.

Ni bayii, won ti fun ile igbimo asofin ohun ni ojo marun-un lati salaye bi owo to fe to bilionu mokandinlogbon, eyi to je owo-ina fun ile igbimo asofin ohun to ti bo sowo olori ile igbimo asofin naa, Mudashiru Obasa lowo.

Bakan naa ni won so pe awon ti setan bayii lati ko awon omo orile-ede yii sodi lati koju oro si ile igbimo asofin ohun, ti won ba ko lati salaye bi won ti se owo goboi yii, bee gege ni won tun so pe, lara ohun tawon yoo lo fi ba awon asofin ohun ja ni liana ofin atawon ona mi-in to ye labe ofin orile-ede yii.

Fajana fi kun oro e pe, “O seni laanu wi pe awon asofin yii ti kuna ninu esun awuruju ti won fi n kan Gomina Ambode wi pe oun lo n gbe owo sile fun Jimi Agbaje to n dije labe asia egbe oselu PDP. Bakan naa ni won tun ti kuna lori esun ti won fi kan an wi pe oun lo wa nidii bi eto ipolongo egbe oselu APC se daru n’Ikeja l’Ekoo nibi ti awon janduku kan ti kolu MC Oluomo, ti eeyan kan ku, tawon mi-in farapa yannayanna, paapaa okunrin onimoto ohun, Ahaji Musiliu Akinsanya, iyen MC Oluomo.

“Ninu afojusun wa lati ri i pe ko si ooto kankan ninu esun ti won fi kan Gomina Ambode wi pe o se awon owo kan basubasu paapaa lori oro eto isuna owo odun 2018 ati todun 2019. Oro oselu ko kan awa rara o, sugbon ohun ti awa n gbiyanju lati so ni pe, ti awon omo ile igbimo asofin yii ba lawon fe ye idi gomina yii wo, awon naa gbodo setan lati ma ni ebo kankan ninu eru won.” Fajana lo so bee.

O fi kun oro e pe, “Ohun kan to daju ni pe owo to fe to bilionu mewaa naira (N9.6 billion) ni Mudashiru Obasa maa n gba lodoodun, ni bayii, owo to ti bo sapo oun nikan ti fe to bilionu mokandinlogbon naira (N28.8billion), bee owo to bo sowo awon omo igbimo asofin yooku ko ju bilionu meji-o-le (N2.4 billion) laarin odun meta ti won ti wa nipo.

“Ibeere wa ni pe, nibo ni owo yooku to le ni bilionu merindinlogbon (N26.4 billion) wa? O se pataki ki ile igbimo asofin Eko o so bi owo yii se je ki won too so pe awon yoo sewadii Gomina Ambode tabi yo o danu nipo bii eni yo jiga.

“Ati pe o je iyalenu wi pe owo to to egberin milionu (N800 million) nile igbimo asofin yii n gba losoosu, ninu eyi ti asofin koookan yoo ti mu milionu meji naira lo sile losu kan.”

Te o ba gbagbe, ile igbimo asofin Eko ti fesun kan Gomina Ambode wi pe okunrin naa na awon owo kan lai tele ilana to ye, paapaa lori bi ko se fi to awon asofin Eko leti ko to na an.

Bo tile je pe ile igbimo asofin Eko ti pin si meji bayii lori oro ohun, bi awon kan se fe ki won le e danu lori esun ohun, bee lawon mi-in n so pe ori bibe ko ni oogun ori fifo.

Lara esun ti won ka si i lese ni pe gomina naa na owo to to bilionu mejilelogun (N22bn) fun akanse ise kan lori eto irinna oko lagbegbe Osodi, eyi ti won pe ni Oshodi-Transport Interchange. Won ni gomina yii na owo ohun lai je ki ile igbimo asofin Eko fowo si i.

Bee gege ni won tun so pe opuro ni gomina ohun lori bo se so pe owo to to milionu aadorin naira (N700m) loun ra boosi kookan ti yoo maa ko ero kaakiri ipinle Eko. Won ni owo to so pe oun na yii ti poju, ati pe nise ni Gomina Akinwunmi Ambode bu owo gegele le e.

Yato si eyi, won tun ni ko wa salaye bo se maa so pe oun na aadota milionu naira (N50m) lori kiko ibudoko awon boosi bii ogorun-un kaakiri igboro Eko.

Won ni pelu gbogbo esun yii, o foju han wi pe Gomina naa ti kolu ofin orile-ede yii, bee lo ni lati so tenu e ki awon ma ba a le e danu kuro nipo gomina laarin ose kan pere.

Sa o, ohun ta a gbo ni pe, yato si oro Jimi Agbaje ti won so pe gomina yii n dogbon fowo ran lowo, won ni awon omo ile igbimo asofin yii n binu si owo kan to ye ki o je ajemonu won ti gomina yii ko lati bu owo lu, ki won le ba a gba a. Won ni won ko sese maa gba iru owo bee lowo awon gomina to ti je tele, sugbon bi Ambode se yari kanle yii lo je ki awon naa maa wa orisirisi esun si i lese. Pelu gbogbo rukerudo yii, ohun ta a gbo ni pe nise ni gomina yii n ba ise ilu lo ni tie, ti ko wo ariwo oja rara. 

Nibi ti oro ohun yoo ja si, oju ree, iran ree.