KARUBE ONIFUJI FE SIN OMO E LOYA LO SILE OKO *O NI, LOJOOJUMO LO N MU INU MI DUN

Adebola, omo Karube Original to fe seyawo

Satide ojo Abameta ose yii ni gbajumo olorin fuji nni, Alhaji Adebisi Ayinde, eni tawon eeyan tun mo si Karube Original yoo seto igbeyawo alarinrin fun omo e, Amofin Adebola Ayinde.

Ninu atejade ti okunrin onifuji yii fi sowo si wa lo ti so pe, aago mewaa aaro ni eto ohun yoo bere nile e, to wa ni nomba 4, Opeyemi Close, Idole, Ileshi ni Gas line bus stop agbegbe Sango nipinle Ogun. Nibe gan-an ni eto mo-mi-n-mo-o, eyi tawon eeyan tun mo si Introduction yoo waye.

Karube Original, iyawo e ati omo won looya ree

Karube Original ninu oro e ti dupe lowo Olorun lori omo oloriire ti Olorun fun un. O ni, “Mo dupe wi pe a bi omo naa saye, Olorun tun ni ko ju awa lo ninu imo, onifuji ni mi, orin fuji ni mo n ko, sibe Olorun fun emi naa lanfaani lati to omo titi, to fi di agbejoro niwaju adajo. Iyen nikan ko o, mo tun fe fa a fun oko lose yii, ope ni oro mi, ki Olorun fi adun sinu igbeyawo won, ki o si je ki gbogbo alabiyamo pata o jere omo.”

Gbogbo eto lo ti pari bayii lori igbeyawo alarinrin naa, bee lawon akegbe e nidii ise fuji ti so pe, awon yoo debe lo ba a seye nla fun omo e to fe sin rele oko.